財爺鬍鬚曾呢幾年都喺財政預算案提出電費補貼，雖然電費平咗令市民受落，但可持續發展委員會主席陳智思就覺得措施無助減排。陳智思尋日發表樓宇節能減排諮詢文件，檢討電費架構，佢話政府提供電費補貼變相令用電量增加，係一個好唔環保嘅政策，無助節省能源。佢希望政府諗下其他措施，例如鼓勵市民少啲用電、收緊建築物能源效益守則及將能源效益標籤涵蓋更多電器。
