政情：雙陳論跌市：唔使驚

陳健波認為，尋日大跌市相信同美國政府將要收緊開支及歐洲債務危機有關。佢話雖然美國收緊開支可能影響會持續一段時間，但同時令美國失去加息條件，事關美國一加息，香港樓市同股市同樣受影響，若然短期內唔加息，大家可以少樣擔心。至於現階段有乜投資貼士，波哥心水係內銀股，信唔信就由大家自行決定喇。

陳有慶都認同尋日跌市同美國有關，由於市況前景唔明朗，佢話唔少揸住大批貨嘅人都會沽出部分套現，諗住可以安全啲，結果令市場有咁大波動，但佢相信對亞洲區影響唔大。聽過兩位高人之言，大家會否覺得安心啲呢？