政情：蔡伯勵唔信世界末日
自從有一套講述世界末日浩劫嘅災難片上映後，人類係咪大限將至呢個話題引起坊間熱烈討論。著名堪輿及曆學大師蔡伯勵日前喺匡翹基金成立典禮上現身，佢話世界末日可以分為兩個層面，其一係對某些人而言，佢哋遇上嘅劫難就係末日，例如早幾年嘅汶川大地震或是年初日本大地震引發嘅海嘯。不過，佢話上述嘅災難都係局部性嘅，但整個地球都水深火熱以至滅亡嘅機會就冇可能喇。
至於瑪雅人嘅曆法引伸出二○一二年嘅末日預言，即係明年嘅冬至就係世界終結之時，咁蔡伯勵又信唔信呢？蔡大師就話，呢啲只係純粹臆測，相信屆時一定可以平安度過，佢拍晒心口話：「冇事嘅，信我！」
雖然蔡伯勵無說明憑邊種術數得出以上嘅結論，但以大師嘅權威，大家都毋須再杞人憂天，況且真係世界末日，相信無嘢可以做到，所以好好珍惜眼前人和事物最實際。