溫州「動車」追撞慘劇，令香港市民十分擔心將來嘅廣深港高鐵係咪安全，社民連日前進行民意調查，發現超過四成受訪者對廣深港高鐵冇信心。社民連主席陶君行就要求運輸及房屋局局長鄭汝樺，全面檢討高鐵嘅各項技術係咪安全可靠，如果問題最終無法解決，應該考慮擱置喎。佢仲批評，其實高鐵只係面子工程，如果唔安全，想快嘅旅客可以選擇搭飛機，想慢嘅可以搭火車，使乜一定要搭高鐵喎！
