中環出更：名人橋牌賽 高手過招
香港橋牌協會舉辦嘅香港城市橋牌錦標賽前晚正式開鑼，為咗打響頭炮，首日安排名人邀請賽，並為協會六十周年慶典揭開序幕。
橋牌協會60周年誌慶
今次橋牌賽，卓妮見到三位前高官，包括前工務局局長鄺漢生及李承仕、前土木工程拓展署署長蔡新榮，大家又再聯手博弈。同場仲有財經達人袁天凡，佢喺賽事前好謙話自己技術麻麻，但與著名漫畫家蔡志忠拍住作戰，最終得到第三名，成績算係唔錯。
呢項橋牌賽已經成為亞太區嘅年度盛事，今年賽事一連七日舉行，公開賽緊接名人賽舉行。橋牌協會會長單偉彪坦言，利用名人嘅號召力，可以吸引更多青少年參與橋牌呢項咁益智嘅活動。今年適逢協會六十周年誌慶，單會長話準備喺明晚舉行慶祝酒會，屆時會邀請創會會員出席，新知舊雨，濟濟一堂。