政情：新立會記者室裝天眼
水能載舟亦能覆舟，有時一樣嘢係好係壞，好視乎觀點與角度。就好似添馬艦立法會新大樓記者室，計劃裝設閉路電視，但卻惹來議員同傳媒行家非議，更有新聞團體去信立法會表達關注，認為會令記者做嘢有心理障礙，妨礙新聞自由，加上依家立法會舊大樓內嘅記者室都無裝到，擔心將來裝咗會影響記者私隱，總之講到好大件事咁，所以要求立即拆除。
其實話分兩頭，過去舊大樓記者室都出過唔少事，重則有女記者涉嫌被非禮、攝影記者唔見咗幾萬蚊嘅鏡頭，輕則有唔見咗錄音筆，甚至一盒豬扒飯都可以遺失，所以立會秘書處先至研究喺舊大樓記者室門口加裝閉路電視，裝咗之後，又真係好似少咗事發生。
惹反對或拆除
無論點都好，行管會主席已經講咗，會聽取傳媒及立法會保安顧問嘅意見，若然大家真係咁反對咪拆咗個閉路電視佢囉！