政府通脹掛鈎債券iBond尋日正式上市，財爺曾俊華（鬍鬚曾）早上一返到政府總部，就被記者追問iBond嘅分配比例問題，點知佢就好寸嘴不斷反問記者：「點樣益大戶呢？抽幾多手先係算多呢？點樣抗唔到通脹呢？」總之認為成效理想。最搞笑係，當時鬍鬚曾啱啱喺冷氣座駕落車，一冷一熱令成副眼鏡布滿水氣矇查查，同佢做財爺一樣咁矇查查，年年預算案同各項政策都搞到一塌糊塗。
