煲呔曾嘅物業被揭發有僭建至今逾兩個月，但仍未清拆，樹立不良歪風，連帶被嘲「僭建聯」嘅民建聯兩名立法會議員陳鑑林及黃容根都博懵，分別將位於黃大仙及林村嘅天台玻璃屋門窗拆除後再「還原」。不過，屋宇署署長區載佳尋日唔肯評論有議員將僭建還原嘅個案，只係話如果該署收到有關投訴嘅話，就會派員視察同處理喎，講白啲即係無計可施，難為佢仲死撐該署有執法能力。
