探射燈：金毛有紋身一定唔請
水貨市場龐大，自稱經營「走水貨」近四年的阿文表示，部分人士會摒棄於水貨客之列，例如染金毛及有紋身人士，「你話我有歧視都咁話啦，呢啲人我一定唔請，第一驚佢哋太養眼，好容易畀人問，第二唔知佢哋做唔做到嘢！」阿文稱，一般來說，不會聘請兼職帶貨，因難以預計所帶的貨物數目。
阿文透露，每天需運逾百件貨往內地，以手機為主，每名水貨客早上八時開工，帶貨至晚上八時，每天約走十四、五轉，每轉獲酬約四十元，日薪約五百元，視所帶貨物多少。事實上，水貨集團亦擔心員工的身份，會派出臥底從中監察，除可監視「伙記」有否偷貨外，若遇「伙記」被捉，亦可即時代支付倉租或罰款。