政情：沈祖堯膺最佳大學校長
香港中文大學前校長劉遵義（曾被學生稱為「膠樽義」）任內有不少反對聲音，部分學生更視佢為宿敵。不過，自去年七月沈祖堯接替劉遵義上任中文大學校長後，即榮登大學校長排名榜嘅榜首，踢走以往多年穩居首位嘅香港大學校長徐立之，可見沈校長親民同開明嘅形象，深受愛戴。
香港專業教育網今年繼續與香港大學民意研究計劃，於今年五月至六月期間聯合進行《2011年第十三屆香港最佳大學排名榜》嘅民意調查，成功訪問了逾一千二百名十八歲或以上人士及一百零九名中學校長。香港最佳大學校長按香港大學民意研究計劃中學校長調查結果排名顯示，沈祖堯排名榜首，同去屆嘅劉遵義排第八、即尾二大有進步，證明佢開明又肯聽意見嘅形象，贏晒。至於徐立之則下跌一位排第二，科大校長陳繁昌就排第三。
大學排名方面，香港最佳大學按專業教育網調查結果排名，香港大學依然排名榜首。