中環出更：胡曉明設計制服東非獵奇
專業及資深行政人員協會（專資會）上周三出發去非洲獵奇，經過連夜趕路，終於抵達東非大草原，遇見當地Masai族人，會長胡曉明（Herman）同太太一馬當先，搭住非洲土著膊頭影相，狀甚老友。
遊大草原 坐熱氣球
一行廿三人嘅獵奇團，成員仲有出爐工總主席鍾志平同新華旅行社總經理楊章桂芝及多間上市公司主席。話明獵奇，節目夠晒刺激，團長Herman安排多架吉普車，載團友穿梭一望無際嘅大草原，觀賞鱷魚、禿鷹、斑馬等，隊友仲試坐熱氣球升空，一嘗大地在我腳下滋味。
咪以為東非好熱，查實依家係冬天，氣溫只有廿幾度，入夜後仲得番幾度，相比香港悶熱天氣，爽好多！出發前，Herman親自設計卡其色獵奇裝，團友抵非洲後齊換上整齊隊衫，土著睇見都眼前一亮。
卓妮