政黨成功爭取通街掛橫額，特區政府亦自吹自擂自我感覺良好「叻唔切」。財政司司長曾俊華喺網誌話，特區政府發行通脹掛鈎債券（iBond）深受市民歡迎，又話只係唔使五個月，就可以推出債券。但係成篇文隻字不提市民等到頸都長嘅派六千蚊安排，亦冇提今年財政預算案點樣倒瀉籮蟹，亦冇提政府點樣屈服於建制派，跪低派錢，違反一貫理財哲學。佢做啱一次，錯一萬次，點都補唔番。更何況iBond只不過係超額少少，都唔使高興到咁。
