愛心米送上門長者開顏
勞碌大半生的長者但求清茶淡飯、安享晚年已心滿意足，惟隨着物價狂飆，通脹不但為基層市民帶來沉重經濟壓力，亦令清貧長者生活愈見艱難。東方日報慈善基金自一九九八年起舉辦「粒粒顯關懷」贈米活動，從無間斷，每月定時將白米送到逾五千名清貧長者手上。活動有賴善長支持，讓長者吃得溫飽之餘，亦能感受到社會人士的關心，足證港人愛心滿溢。
贈米活動每月透過八十一間機構及長者住屋向清貧長者贈送白米，深水埗麗安邨麗正樓長者住屋便屬受惠機構之一，七十八歲的鄧二女更盛讚每月派米安排一流，「唔單止鄰居，長者屋嘅職員都好好，行動唔方便嘅公公婆婆可以坐喺屋企就有專人送米上門，真係好體貼！」鄧婆婆又不忘對善長無私的奉獻深表感激，「有咗呢個派米活動，幫我哋啲老人家慳番唔少買米錢，真係多謝晒！」
另一獨居長者吳金娥已年屆八十六歲，自十多年前跌倒後一直不良於行，她說：「行步路都好辛苦，何況去買米？好彩《東方》每個月都會嚟派米，等我唔使憂！」吳婆婆直指，每餐只要看到眼前碗白飯便已心滿意足，「一包米就夠我食一個月，煲飯同煲粥都得，每次開餐我就諗起咁多好心嘅善長！」
「真係好多謝《東方》」
「依家買餐餸都限住用十幾蚊，唔係每個月有包（贈）米，條數都唔知點計好！」八十一歲的文遇金婆婆坦言，百物騰貴下，贈米活動對清貧長者更為重要。文婆婆更多次向善長道謝：「真係好多謝《東方》嘅善長仁翁，希望多啲人捐錢，幫到更多老人家。」
麗安邨麗正樓長者住屋舍監鍾少芳表示，每逢派米日子，只要看見長者領取白米後展現的一張張笑臉，即覺甜在心頭，「依家物價飛漲，樣樣都加得好犀利，多得有呢個粒粒顯關懷贈米活動，長者餐餐都唔使憂！」
集腋成裘，善長的一分一毫，將為長者帶來無限的喜悅。無論社會經濟情況孰好孰壞，贈米活動仍有賴善心人士鼎力支持，為社會上有需要的一群繼續送上關懷及祝福，感受人間溫情。
捐款編號：16333
記者 徐少琴、陳婉蘋