遲啲立法會同政府總部搬屋後，七一遊行終點變成添馬艦，究竟路線圖係點嘅呢？立法會內務委員會尋日開特別會議傾有關問題。議員一坐低先發覺問題多籮籮，事關添馬艦有如「孤島」一座，特首辦公室仲好似中聯辦外咁有「政治花槽」，激到班議員紮紮跳。
有議員喪鬧，以「門常開」為主題嘅政府總部，應該叫「門常關」至啱，由金鐘港鐵站入去得兩條「天橋仔」，萬一幾千人遊行要塞入去點算呀、負唔負荷到o架？政府明知七一人多，仲整到添馬艦好似個「孤島」咁點搞呢？鬧鬧吓仲話若然添馬艦咁多問題未搞掂，咁就由得煲呔曾自己一個喺添馬艦宣讀施政報告啦，議員坐番喺中環聽算數！
職工盟立法會議員李卓人仲細心，一眼到未來特首辦被植物包圍，變相係另一個「政治花槽」，用嚟阻隔請願人士，亦有議員不滿新大樓瑟縮喺政府總部後面。
添馬艦呢個煲呔曾一手搞出嚟嘅孤島，怕且都係得佢一個孤芳自賞㗎啦！
到未來特首辦被植物包圍，變相係另一個「政治花槽」，用嚟阻隔請願人士，亦有議員不滿新大樓瑟縮喺政府總部後面。