七一遊行當日警方又噴胡椒噴霧，又拉人，畀人話係濫用警權。保安局局長李少光尋日就大反擊︰「示威者行使發表意見、示威權利時都要尊重別人使用道路先得，唔係話你惡晒㗎！」佢仲話，當日好多市民都好不滿有示威者阻街，仲同警方講應該一早就清場，唔好因為小部分人濫用示威權力而妨礙大部分市民使用道路咁話。其實都係政府做得差，如果政府做好啲，已經大晒，冇人有空閒可以上街抗議，更加唔會有廿二萬人添。
