政情：「中電一姐」返工造電芯？

曾患早期乳癌，依家已經好番嘅Betty，大嘆細個無機會睇經典大作，好在生咗兩個囡囡，有機會讀呢啲書畀佢哋聽。佢話讀書畀囡囡聽，即使小朋友未必聽明晒，但點都學到一半，所以囡囡小時候，佢每日都用一粒鐘讀書畀小朋友聽。有一次囡囡四、五歲，買咗本書講發電方式，點知囡囡竟然認為，媽咪負責整電芯。不過經媽咪一講，就明白晒嘞。

同場仲有立法會議員陳淑莊（Tanya）分享《地產霸權》一書，當Tanya一個人去新加坡旅行嗰陣，見到當地人一家人齊住過千呎公屋，一邊睇呢本書，就覺得好震撼，本港要求起公屋都咁難。