政制及內地事務局局長林瑞麟大約三個月前入醫院通波仔後火速康復，出院後火速返工，搞到個政策局好似冇咗佢唔得咁，原來係趕住推出立法會空缺替補機制。不過佢諗住快刀斬亂麻通過替補機制引起嘅問題，好似雪球咁愈滾愈大，好似肥皂劇咁愈搞愈多泡，廿二萬人上街，佢都要負責任。如果畀佢決定多一次，唔知佢會唔會決定喺通波仔之後回家休養，乘機同夕陽政府劃清界線，到下屆政府至再出山，咁仲襟玩喇。
