李寶安就涉案三大節目的證供語錄
《翡翠歌星賀台慶2009》
我睇到呢份（三方）協議好驚奇，入面內容（指思潮的工作）完全係TVB可以做到範圍，589萬元完全係TVB可以賺取，我睇到甚為驚奇同憤怒，……第三者喺TVB總收入抽走69萬元，……我喺審計途中責怪過Wilson（陳永孫）。
未見過呢份文件（指三方協議）前，完全唔知贊助費係520萬元，之前以為係450萬元
（無綫與思潮於09年10月19日的協議），呢份合約更加荒謬，我哋3,000員工點解做唔到（思潮的工作）？唔通我哋啲同事無用？做唔到嘢？要畀咁細間嘅公司做？無可能簽到出嚟！
（意向書）Wilson（陳永孫）嘅工作就係做呢樣嘢（指找贊助商），點解佢做呢個工作又要搵第二間公司同佢做呢？
（思潮代無綫收錢），合約都話明畀錢TVB，我哋無理由假借第三者之手畀TVB，……如果佢收咗五百幾萬元後失咗蹤，追邊個？
2009年奧海城除夕倒數活動中的《志雲飯局》
我睇電視嗰晚先知（倒數活動有《志雲飯局》環節）。
Stephen（陳志雲）出席喺TVB製作嘅節目不會有額外酬金，公司唔會允許佢有任何利益，……佢沒有提出任何申請。
佢喺出面做嘢都要同我申請，……我都要向董事總經理申請，好普通常識，……唔通唔使申請？
（辯方指陳志雲有雙重身份及用名人身份出騷），我哋（無綫）有好多名人，……名人唔係一個身份，只係佢（無綫高層）呢個身份係名人，……佢係名人，唔係有兩個身份。
《志雲情人節首選》簽書會
我哋公司出書賣廣告，賺取客戶金錢推廣產品，（《志雲情人節首選》）搵緊同樣嘅錢，唔會批准佢出書。
（陳志雲同多名無綫藝人出席簽書會），出席咗我先知，有好多個藝人同我哋有經理人合約。
佘詩曼、楊怡、楊思琦、陳敏之、陳倩揚都有經理人合約，（簽書會）絕對有商業活動成分……，不會允許五位免費出席，以我所知，佢哋無收錢，TVB無收經理人佣金。