投訴：九巴趕開車罔顧安全
車長未待乘客「企穩」便開車，九巴被指罔顧乘客安全！麥先生經常乘搭九巴86K線，六月上旬在馬鞍山診所覆診後便乘搭86K返家，惟登車後「雙腳未企定」車長便旋即開車，令麥差點倒地受傷。「我啱啱喺診所出嚟，係咪要跌傷我再入院至安樂呀？」麥指該線有較多傷病者及長者乘搭，認為車長應多加留意。
九巴發言人表示，表現管理組主任已提示涉事車長，並將繼續監察該車長的服務態度，倘發現有未如理想或違反規則情況出現，將給予指導和採取適當的紀律處分。
沙田區區議員鄧永昌不滿九巴有欠細心，未有體察傷病者之安全重要。「好彩今次冇事啫，如果真係發生意外，後果真係不堪設想！」鄧指所有職業司機均有責任秉持良好態度駕駛，以保障乘客及自身安全。