投訴：免費泊位變二手車展銷場
勞先生發現，每逢周末及假日，均會有人佔用西貢公路近白沙灣海上活動中心附近之免費咪錶泊位，並在車內放置寫有價錢及聯絡電話的大型卡紙，將車位變成二手車展銷場，「佢哋每個星期都會擺幾部車出嚟，輪流放喺唔同嘅位賣，搞到好多郊遊嘅人泊唔到車！」
警方發言人稱，去年警方在該處共發出超過六十張傳票，單在今年一月至四月，亦已發出六張傳票。警方除了於周末在該停車場加強巡查及執法外，亦已向運輸署反映有關投訴。
西貢區議會交通及運輸委員會主席陳國旗指出，免費車位被霸佔的問題由來已久，違例者既非法使用車位，亦剝奪其他人使用的權利，令人非常反感。陳建議，運輸署將免費車位改為咪錶位，「依家佢哋霸免費位唔使成本，如果變番咪錶位，相信佢哋唔會咁猖獗。」