署任咗差不多三個月商務及經濟發展局局長嘅蘇錦樑（Greg）終於坐正，社會對呢個結果無乜意外，事關邊有人肯加盟夕陽政府吖？人民力量立法會議員黃毓民尋日提出生鬼比喻，形容阿Greg今次係雞胡槓上槓，意思係手上一副雞胡底爛牌，遇到槓上槓立即變成爆棚贏大錢。
其實阿Greg真係幾好命，若然唔係佢上手劉吳惠蘭因病劈炮，又遇啱特區政府淪為夕陽政府，否則阿Greg真係可以咁順利上位咩？
