中環出更：周恩來姪女 現身香江
已故中國前總理周恩來嘅姪女周秉德，尋日現身香江，為《一代偉人周恩來》大型專題展揭幕。揭幕禮尋日舉行，但展覽早於本月廿六日開始喺中央圖書館舉行，首日已吸引逾二千五百人入場，港人咁熱情，周秉德都感意外。
開幕禮上，城中名人富豪雲集，「牛仔褲大王」楊釗、中總會長蔡冠深、潮屬社團總會會長許學之、「領呔大王」曾憲梓等人紛到賀。百仁基金主席施榮忻（Jaime）都出力籌辦展覽，原來Jaime係首次見周秉德，感覺好親切，周秉德仲分享周恩來生平點滴。周秉德一場嚟到香港，據知佢相約老朋友食飯傾偈，大家敍敍舊。除咗周秉德外，周恩來貼身衞士高振普都有現身。展覽到今日兩點鐘結束，有興趣嘅仲可以去睇睇。
周總理生前長期關注香港事務，廣交各方朋友，東江水輸港工程嘅具體布置，周總理一直策劃指揮，香港人到今時今日，仍然受用。
卓妮