中環出更:陳南祿唔阻乖女揀邊科

虎父無犬子,要求自然高。不過恒隆集團董事總經理陳南祿(Philip)就希望子女零壓力。Philip千金Michelle將留學美國升讀大學,唔少人以為佢會讀商科,繼承爸爸衣鉢,點知Philip話「唔好」,認為太早讀商科唔係好事,寧願叫囡囡跟着興趣走。

千金剛夠秤拉頭馬

Philip匹「時時有機」前日出戰沙田馬場,喺第四場奪冠,袋逾廿八萬元獎金。Philip拉埋太太、千金Michelle及科大校長陳繁昌齊拉頭馬。Michelle原來啱啱夠十八歲,首次拉頭馬,好值得紀念。

Michelle暑期後將入讀美國一名牌大學。Philip唔想囡囡太早讀商科,認為呢科太專門,遲啲讀會更好。佢話,自己當年讀政治出身,後來加入商界,一樣路路暢通。所以佢寄語囡囡走喜歡嘅路。

Money18免費即秒股票報價網站現推出8升級功能,財經資訊,實時實發!