政情：羅沃啟轟警方 遊行變趕屍

七‧一遊行在即，主辦團體人間民權陣線尋日舉行記者會，再一次呼籲市民上街表達訴求，以和平方式將無能嘅煲呔曾推落台。民陣尋日話，警方喺發出嘅不反對通知書上面提出多項無理要求，有啲根本就強人所難，擺明就係要力壓參加者同主辦團體，香港人權監察總幹事羅沃啟揶揄警方設下多項限制，目的就係想將好哋哋一個遊行搞到變成「趕屍」一樣咁嘅活動，批評警方濫權，希望大家關注喎。