呢段片喺上星期六上載YouTube嘅，片段開始時，地點應該係灣仔告士打道東行，車牌「C00L」嘅淺藍色七人車原本喺左邊一條線行車，之後突然連切兩條線，由左切到右，拍到呢段片嘅車就咁啱喺中間線，當「C00L」由左切埋嚟時，呢部車即時煞車，連帶最右線嘅巴士同樣要被迫煞車，幾部車相距好近，幸好冇意外發生。網上討論區立即議論紛紛，認為司機咁做實在太危險。
常接載呂麗君
我哋查過資料，呢部「C00L」由新榮利有限公司登記，而地產商華人置業有限公司就持有呢間公司。
據報道，華人置業主席劉鑾雄個紅顏知己呂麗君經常使用呢部車，至於究竟當時部車有乜人，咁就真係不得而知喇。