戶外骯髒焗熱 肉質變壞生細菌
【本報訊】不法商人把不明來歷的凍肉，包裝成澳洲進口的「優質靚肉」。理工大學應用生物及化學科技學系助理教授陳玉成則指出，工場衞生情況惡劣，會令凍肉孳生大量細菌，他說：「喺無遮掩嘅地方度處理肉類，啲肉會好易黐到塵；而且戶外溫度咁高，會令細菌孳生，令到啲肉變壞，市民食咗會影響健康。」
香港養豬業發展協會主席陳建業提醒，零售商可由凍肉的包裝盒上，分辨凍肉包裝真偽，「如果包裝係真，個盒上面一定會好清楚列出產地來源、肉嘅級數同埋係邊個部分，只要細心留意，一定會分辨到。但係如果零售商再將啲肉拆箱賣，市民就好難分辨到。」
陳建業補充，市民可從凍肉的色澤，分辨肉類是否已經變壞：「經過急凍處理之後，即使啲肉變壞咗，都未必聞得出有臭味，所以市民一定要由肉嘅色澤分辨，如果肉嘅顏色唔鮮明，無乜光澤，啲邊位又開始發黑，就代表啲肉已經唔新鮮，開始變壞，市民千祈唔好選購。」