政情：周一鑊靠嚇阻內地婦產子

內地孕婦湧港生仔逼爆香港公私營醫療系統，食物及衞生局局長周一鑊尋日終於公布最新嘅內地孕婦來港分娩限額，私營醫院只係輕微減少一成，公立醫院就大減至三千四百個。不過，如果內地孕婦唔怕危險，等到作動時先走去急症室求診，公院基於人道立場都係要照收。公私營兩邊都落閘失敗，周一鑊為咗掩飾自己嘅無能，惟有靠出口術阻嚇啲內地孕婦唔好來港產子。