屋邨甩石屎房署遲維修
公共屋邨大廈外牆石屎剝落，房屋署被指後知後覺！新田圍邨居民張女士指出，康圍樓早前進行工程，但於五月上旬發現外牆有石屎剝落，更露出鋼筋，「房署話喺我哋條邨做全方位維修，但係外牆有石屎剝落又唔理！」張擔心對大廈結構造成危險，要求房署正視。
「房署有責任主動檢查屋邨裏面嘅設施，明明有問題都唔理，有冇搞錯？」當區區議員程張迎狠批房署罔顧居民安全，促盡快加設圍欄及張貼通告提醒居民。
房署發言人承認，發現上址十五樓一號樓梯外牆角位有石屎破損及露出鋼筋，工程組經視察環境後確定未有即時危險，但亦已即時展開維修工程。發言人又指屋邨辦事處每日均有樓宇監督作例行巡邏工作。