話說當葛輝回答工聯會議員潘佩璆嘅問題時，潘插口話，叫葛輝唔使再講落去，因為佢已全部明白葛輝想講咩，唔使再嘥口水。毓民主持公道，話潘佩璆唔應該阻葛輝答問題。就喺呢個時候，旅遊界謝偉俊（Paul）即時寸爆毓民話：「你自己平時都係咁樣，阻住啲官員同議員發言，你唔檢討吓你自己？」
毓民畀阿Paul踩到落條尾，條氣當然頂住頂住啦！佢即時放下主席保持中立嘅立場，忍唔住鬧阿Paul：「你（謝偉俊）想出風頭，你想玩嘢，你出嚟掃我啲嘢啦！不過，我只會暫停會議，唔會趕你出去。」最後二人你一言，我一語，結果係漁人得利，潘佩璆因為二人嘅爭拗，最後可多獲一分鐘發言。