政情：李文斌拍住拖派福袋

尋日香港好多地方都落大雨，四點半時，荃灣啱啱傾盆大雨，李主席當機立斷話取消儀式，免得老人家畀雨淋親，認真有愛心。無咗儀式，大家直接上樓派福袋，第一次嚟派福袋嘅Amanda話，上年大住肚，所以無得跟老公嚟做善事，而呢幾日就咁啱遇着佢對龍鳳孖B打針，他發緊燒，不過醫生話屬正常現象，所以佢都決定嚟做善事。可能係好心有好報，佢哋派完福袋，唔止停雨，仲有彩虹添。

Amanda探咗唔少年過八十嘅長者，大讚佢哋精神奕奕，唔似年紀咁大，身旁嘅主禮嘉賓、安老事務委員會主席梁智鴻醫生就話唔出奇，事關佢經常去探訪，都見到唔少老如松柏嘅長者。李文斌仲話梁醫生獻計搞專業陪老服務，佢哋仁濟即時以行動支持，希望長者可以受惠。