「唔好搞咁多嘢啦！」自二○○○年民調風波對當時港大校長鄭耀宗窮追猛打一事以來，不少人以這句話勸張韻琪這位社運「搞事分子」，尤其是她的雙親。
「呢個經歷一定磨練到自己，亦令自己認定咗方向。」回看十一年前的自己，上街抗議、靜坐、瞓校長府，更兩度被捕，風風雨雨令她和家人的關係一度緊張，「根本互相都說服唔到對方。」還好雨過天青，父母的包容讓她繼續上路。
「千祈唔好以為社運係一件好浪漫嘅事。」被外界喻為社運先鋒，張謙稱不敢當，不過提醒社運的「新鮮人」，對社會有所承擔之餘，更要先做好學問；一腔熱誠之餘，更要想出法子將現況改善至理想目標，「講到天花龍鳳，吹水唔抹嘴的話，同一個普通政客有咩分別呢？」