政情：林D9耍太極唔認僭建

政制及內地事務局局長林瑞麟（林D9）早前被揭寓所天台加建咗圍欄同帳篷，初時佢仲死撐呢啲唔算係僭建。隨着特區僭建風暴愈吹愈烈，連煲呔曾都被迫清拆祖屋僭建物後，林D9尋日突然自爆已將其住所天台嘅加建物拆除。問佢咁做係咪等於承認自己僭建，佢就大耍太極話咁做只係穩妥起見，死都唔肯直接認衰道歉。估唔到佢除咗曲解普選定義有一手外，對曲解僭建定義都有番咁上下功夫喎。