鯨魚式噴奶 以為腸胃不適
「阿Ｂ就快滿月時日日都嘔奶，起初都諗唔到係一種病，後來嘔到好似鯨魚噴水，成件衫同ＢＢ床都濕晒，入院檢查先第一次聽見有肥厚性幽門狹窄呢個病！」由於此症較為罕見，不但一般家長難以識別是否普通嘔奶情況，即使醫生要診斷亦頗困難，幼兒往往要留院觀察多天才能斷症，令父母憂心不已。
劉先生憶述兒子祉攸尚在襁褓時的「慘況」，雖已事隔近四年，至今仍歷歷在目。
他表示，起初發現兒子嘔奶較頻密，便向兒科醫生求診，醫生當時僅指可能是腸胃不適。
微創切幽門肌 身體健康
劉又說，兒子服藥後未見好轉，甚至出現噴射式嘔奶，只好到醫院作進一步檢查。院方一度懷疑祉攸患上傳染病，後來醫生進行抽血及超聲波檢驗，相信他可能患上肥厚性幽門狹窄。但是，因為其年紀太小，單憑超聲波影像難以確定幽門肌肉的厚度，惟有留院觀察，期間不能進食，只能輸送營養液。
「阿Ｂ足足喺醫院瞓咗十日，婆婆晚晚要通宵陪住佢，因為醫生要監察輸入佢個胃嘅液體係咪唔落格，要幾日先確診到，得一個月大人仔就插滿喉，跟住仲要全身麻醉做微創手術，諗番都覺得慘！」幸好進行幽門肌切開術十分成功，此後祉攸已沒有嘔奶，身體亦非常健康。
本報記者