【本報訊】曾蔭權身為港府之首卻仍知法犯法僭建，大批市民昨日致電電台炮轟指對曾蔭權「絕望」，「要搞嘅嘢又唔搞，唔搞嘅嘢又搞咗出嚟」，更批評他向公眾的交代不清楚，指特區政府連番施政失誤，又認為官員支持度低，揶揄他們「朕即是天下」的思想「僭建響個腦裏面係最難拆嘅」。
聽眾張先生指曾蔭權身為香港「最高領導人」理應以身作則，卻竟知法犯法，「唔淨止係失望，直情絕望」，「原來自己都係，所以佢處理唔到（孫明揚僭建）」，不可讓他「拖多一年半卸任就算」。張又嚴斥曾蔭權政府除僭建外，亦未能妥善處理關愛基金、教育及貧窮問題，「咁佢有咩處理得好？唔好嘅嘢多過好，咁點搞呢？」
至於對曾蔭權昨日回應，另一聽眾盧先生就指，其說法未清楚交代事件，認為作為本港管治最高層，曾應樹立榜樣，而非「粉飾自己嘅問題」，又指官員支持度低，揶揄「僭建響個腦裏面係最難拆嘅」，他們固有根深柢固、「朕即是天下」的思想「要拆咗佢」。
吳太則稱，她十一歲小朋友知道曾蔭權僭建後，都懂得若遇同一情況「快啲睇吓自己有冇僭建」，即使未查證都應「拆咗佢先」，質疑「十一歲都識判斷，唔相信我哋嘅曾特首冇呢個能力」，港府推廣德育及國民教育，「唔係好放心佢咁樣教我啲細路」。
另外，事件亦在多個網上討論區引起熱烈討論，不少網民狠批曾蔭權知法犯法，教壞全港市民，更直指他是香港之恥，認為他應該下台，又指有關報道已迅速轉發到不少海外網站，曾蔭權醜態已衝出香港。
Qqxssvo：嚴重罪行，特狗帶領廢官知法犯法，破壞香港法律，教壞青少年
billyz1137：身為香港特首，知法犯法，罪加一等，香港之恥……下台，下台，辭職……
Chauvicky：法律係公正、平等、知法犯法、罪加一等、理應抄家@@
Chin：特首也應以身作則，但大家勿忘記那些丁屋，邨（村）屋的違規事件。他們享盡了特別款待，但仍無理地犯法。香港寸金尺土，我們為了住的地方帶來一身債，相反，他們所犯的法為他們帶來巨額的家財！！但今次特首也作了很壞的榜樣！！
ChanBiu：特首僭建事件離曬（晒）大普（譜），為甚麼不告一班高官上法庭，本人因門面招牌超出100mm被告上法庭，做完招牌屋宇署另告地下超出120mm，完成之後又再室內裝修有問題再告上法庭，是否高官有特權
garry666：畀呢種人帶領香港市民……香港之恥
死豬麟：我提議曾蔭濕立即立23條例啦！立例後可以告報館竊（洩）漏特區高官僭建罪拉人、報道高官僭建及市民有看過這些新聞都要拉人呀死蠢曾蔭權