雜物堆放天橋輪椅難行
「無障礙」通道變成「障礙賽道」，路政署被指執法不力！王小姐為輪椅使用者，經常使用沙角邨雲雀樓A座對出行人天橋前往沙田圍，最近發現通道兩旁不但泊滿違泊單車，更有大型雜物如行李箱及手拉車等，令通道嚴重受阻，「我哋坐輪椅行條路要闊啲，依家條路有咁多嘢喺度，又成日冇人清理，遲啲分分鐘想行都冇碇行！」
路政署發言人表示，凡公眾地方濫泊單車或有手推車及雜物擺放等事宜，均涉及公眾地方管理和使用問題，一般會由地區民政事務處統籌，聯同相關政府部門在地區管理委員會作出跟進，上述個案已轉達沙田民政事務處處理。
「條橋係路政管理，講得畀你聽嗰度有好多雜物都仲唔即刻清理，真係離晒譜！」沙田區區議員楊倩紅狠批路政署「踢極都唔郁」，只管推搪塞責，表現實在令人失望。