財政司司長曾俊華發表完「史上最廢」預算案後，引來泛民建制兩派群起攻之，民主黨更即時「冧友」向立法會申請動議辯論，務求要成功對鬍鬚曾提出不信任動議。千等萬等，黨主席何俊仁終於抽中喺下月提出動議嘅檔期，但據悉該黨正密謀轉移目標，改為狙擊近日捲入僭建風暴嘅教育局局長孫明揚，變相放生鬍鬚曾。
當日民主黨信誓旦旦，話要向鬍鬚曾提出不信任動議，更即時派人入紙申請辯論，可惜未能抽中動議檔期。與此同時，黨內民調顯示，佢哋得嘅支持度竟不升反跌，事關唔少人都以為佢哋反對港府嘅派錢建議，佢哋於是即刻轉向，不信任鬍鬚曾嘅動議不了了之。
千等萬等，鐵頭仁終於抽中喺下個月提出動議嘅檔期。聽講民主黨已拍板屆時會提出討論國民教育，辯論吓港府咁做係咪洗腦，睇嚟議員都會燒埋落去孫公屋企有僭建嘅問題上，就係咁樣，鬍鬚曾暫時甩難喇。