中環出更：通脹樣樣加食肆老闆叫苦
通脹升到失晒控，食材、租金狂加，加上最低工資，食肆老闆紛紛叫苦。「新斗記」投資者之一嘅梁震宇話，有行家年前以六十萬元租下尖沙咀廣東道地舖。近日續約，業主要求加租至二百五十萬元，變相趕絕食肆。
籲減排污費牌費
身兼稻苗學會主席嘅敍福樓集團執董黃傑龍（Simon）亦慨嘆，全球通脹下，食材每星期加價，加幅永無止境，壓力比加租更可怕。
Simon話，食肆租金往往是三至五年才調整，但食材加價卻是「話加就加」，以豬肉、牛肉、麵粉及米為例，過去半年加幅高達百分之四十。佢坦言，部分食肆即使人流如鯽，埋單計數仍要蝕錢，呼籲政府減免排污費及牌費，助業界渡難關。
福苑集團主席盧浩宏就大嘆請人難。佢話，實施最低工資亦無助留人，部分洗碗及清潔女工眼見保安員有過萬元人工，寧願跳槽，未來數月，人手短缺將更嚴重。