通道擺賣 領匯管理不善
紙類製品隨處擺賣，不但阻礙通道，有居民更擔心隨時引發火警。陳小姐發現，屯門大興邨街市內有紙紮舖公然霸佔街市空地擺賣，擔心紙類製品易生火警，「萬一火燭，條路塞滿啲貨，仲要咁易燃，到時想走都走唔到！擺明就係領匯管理不善﹗」
領匯發言人指出，已提醒有關商戶勿於公眾地方擺放貨物，以保持通道暢通，同時會加強前線職員巡查，並考慮與屢次違規之商戶終止租約。
「街坊都不時反映通道太窄，但領匯巡極又都係咁，真係冇符！」當區區議員陳有海直言阻街問題一直存在，雖然領匯不時巡查街市，但是只有短期效果，「（領匯）巡完隔一陣啲貨又擺過出嚟，根本就係巡查阻嚇力不足﹗」陳促領匯加強執法，「必要時就唔好同違規商戶續約！」