政情：陳茂波斥煲呔曾施壓

法援續資助港珠澳大橋案

今次港珠澳大橋案係法援幫拖，陳茂波話覺得煲呔曾咁講係施壓，但佢話所有法援申請都係由法律援助署審批，法援局唔會干預，法援署處理每宗申請尤其是同政府有關嘅司法覆核，都會小心處理，家陣政府決定就港珠澳大橋案上訴，法援都會繼續資助申請人，但萬一申請人喺上訴時輸咗，就要視乎判詞同有幾大勝算，先再決定係咪資助申請人上訴至終審法院嘞，因為打到上去要用嘅錢起碼以百萬計。

佢又話，咁多年嚟法援處理嘅個案大約有六成係勝訴可以攞番錢，但法援局都諗緊啲節流方案，希望承接法援民事案嘅律師可以同刑事案嘅律師一樣，收平啲律師費喎。