政情：租客僭建 方文雄頭痕

David尋日現身一個歷史相片贈送活動，講起僭建，佢都感同身受。協成行坐擁唔少物業，David自爆話，旗下物業部分租客靜雞雞喺天井、閣樓等地方僭建。佢擔心部分結構有危險，隨時傷及無辜途人，所以自掏腰包成立咗一隊觀察隊，派人定期巡舖，一旦發現僭建，就第一時間「拆彈」，一句講晒，安全第一！

發叔打高球洩悶氣

新界村屋成為僭建風眼，政府同鄉議局要拿拿聲將問題理順，鄉議局主席劉皇發夾喺官民中間，難免順得哥情失嫂意。發叔尋日晏晝現身中環，承認為僭建風波感到好大壓力，近日頻頻約老友打高球，佢特別將啲波大力打遠啲，用此方法發洩心中悶氣。