251M脫班 苦等一小時

九巴脫班次數頻密,令乘客怨聲載道。余先生日前於黃昏六時許在大欖隧道候乘251M前往錦田,惟等候近一小時後才有巴士埋站,「成個鐘頭先至見部巴士,條隊排咗成五十人,啲人一見到車就湧晒上去,真係好恐怖!」余不滿九巴脫班頻仍,罔顧乘客利益,「一次半次都算,呢條線成日都係咁,九巴再咁落去,真係冇人想再搭!」

民間監察公共事業聯委會發言人蔡耀昌認為,九巴班次經常脫班,疑與運輸署監管疏漏有關,促運輸署加強突擊檢查,以改善問題。

九巴發言人解釋,由於該線其中一輛巴士閘門失靈,須即時回廠作檢驗及維修,九巴站長已即時依據當時人手重新作出調配,並就事件對乘客造成不便致歉。運輸署發言人則指已敦促九巴採取措施,確保服務水平及班次穩定。

Money18免費即秒股票報價網站現推出8升級功能,財經資訊,實時實發!