【本報訊】四千多萬元彩金在香港買入一個半個豪宅單位後可能已經用去了大半，但在南亞印度，同樣的四千萬港元又是怎樣的概念？「四千幾萬港紙，喺印度郊區唔係講緊起幾多層樓，係講緊買幾多公頃嘅地。具體嚟講，就係起碼買到五十個香港政府大球場，又或者四分一個香港島嘅土地。若果用打跛腳嘅角度睇，就係四代都唔使做嘢，夠錢請幾十個保鏢、工人同司機！」同屬印度裔的本港藝人喬寶寶昨如是說。
原來喬寶寶是億元六合彩頭獎幸運兒SINGH就讀香港嘉道理爵士學校時的中學師兄，兩人雖不認識，但喬亦有聽聞有阿SINGH此人，同樣為他的幸運而開心，「呢筆錢夠喺當地（印度）做大富豪、土皇帝架啦，以兌換率一比六計算，平均一個村民月薪千五蚊港紙，阿SINGH佢可以請好多工人、保鏢。」但對於同鄉準備返印度，喬寄語謹慎為上。
喬寶寶說：「如果家族本身喺當地有錢就好啲囉，但係依家佢突然間有咁大筆錢，唔排除會引起好多人有非分之想，去謀佢啲錢，又或者有不法之徒標佢親友參，再勒索贖金，呢啲嘢過去喺印度都發生過，香港都有呢啲情況，所以都係小心啲好。」
SINGH兒時好友JIMMY昨接受記者查詢時說，SINGH的家鄉機場有部分人員會留難帶有大批禮品回鄉者，曾經發生有人攜帶大批錢返鄉時失竊，「隨時一出機場就冇咗，我哋帶電器返去，啲官員都要問長問短！」忠告阿SINGH加倍小心。