環境局副局長潘潔被本報揭發其大埔沙欄嘅寓所僭建天台玻璃屋，高官知法犯法，確係「和尚打傘」，無法（髮）無天。
潘潔尋日回應事件時承認一切，仲好似「人肉錄音機」咁不停認衰，話其寓所出現僭建問題，由始至終都係佢嘅責任，而且即日搵工程公司搭棚清拆寓所僭建物。潘潔知法犯法固然難辭其咎，但事件亦反映佢嘅政治敏感度不足，早就應該自行清拆僭建物啦！
