店主有苦衷「街坊好難收」
【本報訊】港府建議擴大膠袋徵費計劃，卻允許店舖將費用落自己袋的做法惹起不少爭議。
於北角經營海味店六年多的孫先生支持當局擴大膠袋徵費計劃，但對於建議店舖自行徵費做法則有保留，「咁樣未必間間肯做，做街坊生意好難收人膠袋費，但如果買一萬幾千蚊嘢嘅，唔通一個幾毫都同個客計咩。」他坦言自己未必響應收費，又透露即使港府推行膠袋徵費後，仍有不少長者喜歡一次索取多個膠袋，「支持環保嘅，唔收費都會響應，如果唔支持嘅，收幾貴都冇用。」
另一鞋店店東陳先生則稱，若港府擴大計劃會支持，但承認若有客人堅持不付費亦不會強行收費，又稱近年膠袋成本大增，大膠袋每個成本為約一元五角，認為即使收費亦無助減輕成本，認為增加環保宣傳教育更有效。
大學生指備袋不便
有市民對港府建議的徵費計劃感不滿，大學生陳先生認為若每次購物都需自備環保袋甚不便，「有時買鞋或者買衫，唔用膠袋好麻煩。」亦有市民認為膠袋稅應由港府徵收，用於公共服務，又擔心推高通脹，「買樣樣嘢都收費會好唔方便，應該按店舖性質收費。」