中環出更：劉錫威買香米皂氹老婆
台北貿易中心總經理劉錫威專責推廣台灣貨，對於台灣產品瞭如指掌，不過，尋日佢行過會展嘅國際食品展攤位時，被台灣香米製成嘅手工洗面皂難倒，驚嘆原來台灣米已經唔止食落肚咁簡單。佢好似發現寶藏咁，話要買件返去送畀老婆大人，認真識氹太太開心。
現場係台灣地方農會嘅展位，展示各種由新鮮植物製成嘅純天然手工洗面皂，淡淡嘅植物香味加上色彩豐富嘅顏色，吸引好多貪靚女士駐足端詳。呢啲番梘係用無患子做主要材料，人類未發明化工番梘之前，就係用無患子做天然去污劑。香米洗面皂就加入咗台中縣霧峰鄉特產嘅香米米胚精製而成，有清除肌膚油分、改善粗糙膚質嘅功效，日日用就包保皮膚又靚又白喇！
台灣嘢日新月異，連劉錫威都隨時
住形勢變化。卓妮見佢詳細詢問香米洗面皂嘅成分及功效，急補扮靚知識，都唔怕被老婆問到口啞啞喇！