小市民受擾敢怒不敢言

借廁所為名問密碼

「佢哋好離譜，有時深夜四、五點都唔走，呢度咁靜，少少聲都會好應聲，成日被嘈醒！」住客陳先生（化名）表示，入住一年多，經常見到警察在客廳休息，無論是早上、下午還是晚上均有，有時更長達數小時，最多見過有四、五名警員同時在客廳休息。陳更指，有警員曾以借用洗手間為由，要求陳提供大門密碼，礙於對方為警員，明知不妥仍要告知密碼。

住戶李先生亦坦言，經常目擊警察在六樓客廳逗留，「間唔中會見到啲差人戇居居咁坐喺六樓，唔知做乜，我梗係唔敢過去問啦，佢係差人，費事啦！」而居於附近的陳婆婆雖然並非居於大樓內，但她亦直指：「成日都見到啲差人出出入入，都唔知佢哋喺度搞啲乜。」

立法會保安事務委員會委員陳克勤直斥，警員利用其職務之便，取得有關大廈密碼明顯是濫權行為，「總之唔係執勤嘅時間用就係濫權！」陳又稱，警員如此濫用大廈密碼，將令「長者屋」的保安功用消失，變成一個「無掩雞籠」。