投訴：院舍疑亂派藥社署懶理
護老中心將長者服用藥物「亂派一通」，社會福利署被指監管不力！劉女士的父親去年入住沙田一私營護老院，發現院方多次失當，令一眾長者居不安寧。「啲護士成日亂咁執藥，試過執錯咗幾個老人家嘅藥，有時執完仲就咁放喺出藥處就算！」劉又指有護理員於今年二月曾相隔不足五十分鐘，便先後讓父親服用西藥及中藥，表現毫不專業。
社署發言人證實，安老院牌照事務處（牌照處）曾接獲兩宗對上述院舍投訴，又指曾就關於藥物派發問題向院方作出書面建議。護老中心發言人則堅稱並無發生行政失誤的投訴，認為指控並不屬實。
「派藥係好基本嘅嘢，咁都有錯就真係唔可以接受！」老人科專科醫生佘達明狠批社署未有設法監管及立令院方改善，如查明出錯，便需取消其牌照，而非「唔踢唔郁」懶理。