功夫茶今次會暫時棄用黎智英嗰一個街知巷聞嘅綽號淫賤黎，何解呢？原因係擔心點錯相，避免令人誤會淫賤黎另有其人，一個唔覺意沙塵滾滾殺錯良民就唔好啦。可惜功夫茶唔識阿拉伯文吖，否則一定會將「罪魁禍首只係黎智英一個」清清楚楚翻譯出嚟話畀回教徒知道，以防稍有不測累及無辜。
嗱嗱嗱，係咁嘅，黎智英旗下壹傳媒（基於同樣理由，暫時唔叫壹傳媒做壹淫媒）再次玩火玩出禍，《蘋果日報》網站動新聞報道恐怖大亨拉登被美軍狙殺嘅時候，居然肆無忌憚炮製褻瀆回教嘅動畫。具體內容功夫茶真係唔想詳細引述，事關確係非常之咁卑鄙無恥下流賤格，簡單咁講啦，動畫涉及回教徒視之為禁忌嘅「豬隻」以及「尿液」，目的係盡情侮辱已死嘅拉登。唉，唔怪得有人話，真主要佢滅亡，必先令佢瘋狂！
黎智英旗下壹傳媒侮辱恐怖大亨拉登咁又點呢？大大鑊咯，隨時導致恐怖分子針對香港發動襲擊！
你知啦，恐怖分子唔係善男信女，連美國總統奧巴馬都唔敢公開拉登遺照，怕嘅係進一步挑起仇恨情緒。黎智英褻瀆回教犯眾憎，後果可以非常之咁嚴重o架，萬一喺香港爆幾個報復式人肉炸彈咁點算呢？
正所謂冤有頭債有主，功夫茶絕對認同網民嘅做法，將黎智英嘅阿拉伯文姓名連同照片上載討論區，等拉登信徒「認住呢隻英」，千祈千祈唔好點錯相。大家徹底明白點解今次唔叫佢做淫賤黎喇啩？咦，咪住先，淨係阿拉伯文未必足夠，等功夫茶補充一點，黎智英嘅英文名係Jimmy Lai（譯音賤民黎），辦公地點通常係將軍澳工業邨壹傳媒大樓。
講到呢度真係心有慼慼然，拉登無疑係發動九一一襲擊嘅頭號通緝犯，好多人認為死有餘辜，之但係黎智英好玩唔玩，居然攞死人拉登嚟玩變態，玩折墮。大吉利是講句，一旦恐怖分子發動恐襲報復，黎智英有乜嘢冬瓜豆腐，有人以其人之道還治其人之身，用同樣變態嘅手法玩番佢轉頭，佢嘅家人及親友又有乜嘢感想呢？
總而言之，絕大部分香港人尊重宗教自由，褻瀆回教嘅只係黎智英一個，如果真係要問罪，請找罪魁禍首啦。唉，希望真主保佑佢闔府平安啦，切勿殃及池魚吖！