探射燈：廿四孝乖仔母贈生日卡隨身
在何永成的公事包內，除了有一疊疊文件及個人物品外，更收藏一些書信，那是他的母親寄給他的生日卡及信件。提起母親就笑瞇瞇，他說：「由細到大，阿媽特別緊張我，我每次出門，佢會望住我背影，直至我消失，所以我去加拿大，佢真係好擔心！」
何母睇《東方》學中文
為免母親太過思念，這位孝順仔就與母親成為筆友。甜蜜躍現信紙上，祝福寄託在生日卡上。何永成的母親識字不多，一直靠看報紙學新詞：「我阿爸生前日日睇《東方日報》，阿媽跟佢睇，順便學中文，呢張生日卡佢寫畀我㗎！有時佢睇到新聞想我睇都會寄畀我！」雖然生日卡字筆畫不齊，反凸顯一份母愛。
現在母親弄孫為樂，何永成育有兩名兒子，但難以想像身形瘦小的他，兩名兒子都屬高大型：「大仔六歲，已經高一米三，九十三磅，醫生話佢身形體重係八歲半；細仔都唔弱，四歲幾，一米一五，四十幾磅。」他解畫，家族人人都很大隻，只有他是例外。現時他有時會帶兒子到實驗室，啟發學習，兒子更玩得樂此不疲。