港府帶頭推翻工資規則

曾有份參與制訂首個法定最低工資水平的陳裕光日前接受傳媒訪問時表示，大家樂現時將休息日及飯鐘均列作有薪計算，集團旗下有一百名員工加薪五成，二千名加薪三成，令該集團要額外支出二億二千萬元，較預期多五成，可能要發出盈警。

大家樂：可能發盈警

他說：「好明顯係一個幾沉重嘅壓力，市場一般嘅睇法就係，如果盈利係少過一半，應該要發盈警去處理。我亦唔希望因為呢件事情（最低工資實施）要去到發盈警，希望其他業務可以紓緩到呢方面嘅壓力。」

陳裕光又指，一半壓力是港府造成，「港府作為球證，都改變遊戲規則，佢對外判工嘅安排（將休息日列作有薪）。大家睇吓睇吓，都覺得係要畀嘅，咁就要畀啦！」另一半壓力則是為勢所逼，「都考慮到飯鐘錢係一個社會責任嘅。」

全盤推翻臨資會共識

陳裕光堅持在臨資會時勞資雙方都有共識，最低工資水平定在廿八元，但毋須將休息日列作有薪。「好大部分臨時最低工資委員會委員都順利過渡去新一任，佢哋都好清楚知道，之前討論嗰個理論基礎，依家係咪需要作出調校呢？我相信佢哋心中有數。」他說港府率先自掏腰包補貼外判工，當中補貼休息日有薪的做法，等同將臨資會嘔心瀝血傾出來的結果被「全盤推翻」。「如果真係用番當時嘅運算，唔係廿八蚊，係講緊三十二蚊，但奈何理性嘅討論，去到最後關頭先睇到事實擺在眼前係乜嘢。」

同為臨資會委員兼香港零售管理協會主席麥瑞琼指，十分認同陳裕光的說法，因為當時臨資會參考其他國家的最低工資法例時，均未有將休息日及飯鐘列作有薪，但港府卻自行更改遊戲規則，做法極不公平。